८ माघ । राष्ट्रिय सभा सदस्य उम्मेदवार चयन गर्न बसेको माओवादी केन्द्रका शीष नेता एवं प्रदेश इन्चार्जहरुको बैठकबाट तीन नेतालाइ चयनको लागी जिम्मा दिएको छ ।
प्रदेशबाट २१ जनाको नाम सिफारिश भएर आएका कारण सोमबार उम्मेदवार चयन गर्न बसेको बैठकले टुङ्गो लगाउन नसकेको हो । माओवादीले एमालेसँगको सहकार्यमा राष्ट्रिय सभाका लागि १४ उम्मेवदवार पाएको छ । राष्ट्रिय सभामा केही विज्ञलाई समेत पठाउने तयारी रहेका कारण उम्मेदवार चयन ढिलाई हुन पुगेको माओवादी प्रवक्ता पम्फा भुसालले जानकारी दिइन् ।
सोमबार बसेको बैठकले उम्मेदवार चयन गर्ने जिम्मा अध्यक्ष पुष्पकमल दाहाल, नेता नारायणकाजी श्रेष्ठ तथा रामबहादुर थापालाई दिइएको छ । मंगलबार बस्ने तीन नेताको बैठकले उम्मेदवार चयन गर्ने अपेक्षा गरिएको छ ।
। माघ १५ मा राष्ट्रिय सभा निर्वाचन गर्ने निर्वाचन आयोगको तयारी छ । आयोगले १० गतेभित्र उम्मेदवार टुंगो लगाउन दलहरुलाई समय सीमा तोकेको छ ।
Online Media Reg. No.: 70/073-74
प्रतिकृया दिनुहोस्