५ फागुन । युएसएआईडिको आर्थिक सहयोग, एफ.एच.आई ३६० र सुन्दर नेपाल संस्थाको साझेदारीमा संचालित पारस्परिक जवाफदेहिता परियोजना अन्र्तगत लेकबेसी र भेरीगंगा नगरपालिकाका जनप्रतिनिधि प्रशासनिक कर्मचारी र नागरिक समाजको सहभागितामा २ दिने सामाजिक जवाफदेहिता अभिमुखिकरण कार्यक्रम शनिबार सम्पन्न भएको छ ।
स्थानीय तहको काम कार्यवाही प्रभावकारी, गुणस्तरिय, पारदर्शि, मितव्ययी र उत्तरदायी बनाई नागरिकलाई सुशासनको अनुभुती प्रदान गर्ने तथा स्थानीय तहको शासन व्यवस्थापन नागरिक सहभागिता अभिवृद्धि गरी सुलभ सहज गुणस्तरिय सेवा प्रवाहका लागि नागरिक अनुगमनलाई प्रभावकारी बनाउने उद्देश्यले संचालन संचालन भएको उक्त अभिमुखिकरण कार्यक्रममा लेकवेसी नगरपालिकाका प्रमुख, उपप्रमुख, भेरीगंगा नगरपालिकाका उपप्रमुख र पारस्परिक जवाफदेहिता परियोजना संचालन भएका वडाका वडा अध्यक्ष, कर्मचारी र स्थानीय सभाका प्रतिनिधिहरुको सकृय सहभागिता रहेको थियो ।
नयाँ संरचना अनुसार शासन प्रणालीलाई सुशासनयुक्त, विश्वासयोग्य र प्रभावकारी गराउनका लागि बनेका नीति नियम र स्थानीय सरकार संचालन ऐन २०७४मा पनि स्थानीय तहले अवलम्वन गर्नुपर्ने सामाजिक जवाफदेहिताका औजार विधिहरुको बारेमा छलफल गरिएको थियो । राज्यका तर्फबाट विभिन्न सार्वजनिक सेवा सुविधाहरुलाई प्रदान गर्दै आईरहेको भए तापनी नागरिकहरुका असन्तुष्टि र गुनासाहरु व्याप्त रहेको परीप्रेक्ष्यमा यो अभिमुखिकरण कार्यक्रमले सेवा ग्राही र सेवा प्रदायिकको सम्वन्धलाई सुधार गर्दै जनमुखि, पारदर्शि र जवाफदेही शासन संचालन हुने कुरामा विश्वास गरिएको छ ।
उक्त अभिमुखिकरण कार्यक्रममा लेकवेसी नगरपालिकाका प्रमुख गगनसिंह सुनारले सामाजिक जवाफदेहिता सम्वन्धी संचालन भएको यो कार्यक्रमले सेवा ग्राही र सेवा प्रदायि दुवै पक्षलाई थप जिम्मेवार बनाएको बताएका थिए भने भेरीगंगा नगरपालिकाका उपप्रमुख रेणु आचार्यले दुई दिन सम्म छलफल गरिएका जवाफदेहिताका औजारहरु अन्र्तगत नीतिगत रुपमा व्यवस्था गरिएका सार्वजनिक सुनुवाई, सामाजिक परिक्षण, सार्वजनिक जन लेखा परिक्षणलाई संस्थागत गर्दै यसलाई व्यवहारमा लागु गर्ने प्रतिवद्धता जनाएकी थिइन् । कार्यक्रमको सहजीकरण सुन्दर नेपाल संस्था पारस्परिक जवाफदेहिता परियोजनाका कार्यक्रम संयोजक खिम रेग्मीले गरेका थिए ।
Online Media Reg. No.: 70/073-74
प्रतिकृया दिनुहोस्