सेरोफेरो
२ जेठ, दैलेख । नारायण नगरपालिकाको मेयर र उपमेयरमा नेकपा एमालेका उमेदवार विजयी भएका छन् । एमालेका रत्नबहादुर खड्काले प्रतिद्वन्द्वी नेपाली काँग्रेसका मणिराम रेग्मीलाई हराई मेयरमा बाजी मारेका हुन् ।
यसैगरी उपमेयरमा नेपाली काँग्रेसकी वासना थापालाई एमालेकी सावित्रि मल्लले पराजित गरेकी छन् ।
बहिनी वासनालाई जिताउन नायिका विपना थापा समेत दैलेखमा चुनावी प्रचारमा सक्रिय भएकी थिइन् ।
पत्रकार चक्र केसीका अनुसार नारायण नगरपालिका वडा नम्बर ६, ७ र ८ का वडाध्यक्षमा नेपाली काँग्रेसका उमेदवार विजयी भएका छन् भने बाँकी आठ वडामा एमालेका उमेदवारहरु विजयी भएका छन् ।
प्रतिकृया दिनुहोस्