११ माघ । तरुण दल सुर्खेतले सरकार विरोधी आन्दोलन गर्ने भएको छ । दलले सरकारको विरोधमा यही माघ १३ गते कर्णाली प्रदेशको राजधानी वीरेन्द्रनगरमा २० हजार तरुणहरु सडकमा उतार्ने जनाएको छ ।
वर्तमान सरकारले जनभावना विपरित काम गरेको भन्दै त्यसको विरोध स्वरुप सुर्खेतमा पनि उक्त कार्यक्रमको आयोजना गरिने तरुण दल सुर्खेतका अध्यक्ष हरि बिष्टले जानकारी दिए ।
शुक्रबार वीरेन्द्रनगरमा आयोजित पत्रकार सम्मेलनमा विष्टले भने, ‘महंगी, भ्रष्टाचार, जताततै मौलाएको छ । यसको बिरोध स्वरुप यो कार्यक्रमको आयोजना गरेका हौं ।’
उक्त प्रदर्शनमा कर्णाली प्रदेशका १० वटै जिल्लाका तरुणहरुको सहभागिता रहने पनि विष्टले बताए । उनका अनुसार प्रदर्शनमा दलका केन्द्रीय अध्यक्ष जितजंग बस्नेत, उपाध्यक्ष उत्तम चापागाईँ, महासचिव भुपेद्रजंग शाही र कोषाध्यक्ष विद्धान गुरुङ्ग लगायतको उपस्थिति रहनेछ ।
Online Media Reg. No.: 70/073-74
प्रतिकृया दिनुहोस्