२८ फागुन । प्रधानमन्त्री केपी शर्मा ओलीले हिंसा र बिस्फोटबाट आतंक मच्चाएर लुटपाट गर्ने समुहसँग सरकारले वार्ता नगर्ने बताएका छन् ।
मंगलबार बालुवाटारमा नेपाल बैदेशिक रोजगार व्यवसायी संघको टोलीसँगको भेटघाटमा प्रधानमन्त्री ओलीले फागुन २४ गते संघका अध्यक्ष रोहन गुरुङको घरमा बम हानेको बिषयमा केन्द्रित हुँदै बम पड्काउने र पैसा असुल्नेहरुसँग वार्ता गर्नुको औचित्य नभएको स्पष्ट पारे ।
‘कतिपयले वार्ता गर्नुपर्यो भन्छन् तर के का लागि वार्ता गर्ने ? उनीहरुले गरेका क्रियाकलाप राजनीतिक हुन् ? बम पड्काउने, आतंकित पार्ने, पंैसा असुल्ने कुरा राजनीतिकहुन सक्दैनन्’ प्रधानमन्त्री ओलीले भने ‘जहाँ धेरै पैसा छ भन्ने लाग्छ त्यही बम हान्नेहरुसँग के को वार्ता ? उनीहरुलाई कानुनबमोजिम नियन्त्रणमा लिइन्छ ।’
एउटा गिरोहले कम्यूनिष्टका नाममा घिनलाग्दो काम गरिरहेको आरोप लगाउँदै ओलीले भने ‘कम्यूनिष्टले त यूवाहरुलाई कर्मशिल हुन, सही बाटोमा हिडाउन र उत्पादनमा लाग्न सिकाउनु पर्ने हो, यहाँ त यूवालाई लुट्न सिकाइरहेका छन् ।’
प्रधानमन्त्री ओलीले अध्यक्ष गुरुङको घरमा भएको बिस्फोटप्रति दुःखव्यक्त गर्दै घटनाबारे सरकारले छानविन गर्ने प्रतिवद्धता व्यक्त गरेका छन् ।
Online Media Reg. No.: 70/073-74
प्रतिकृया दिनुहोस्