वीरेन्द्रनगरलाई राम्रो बनाउने १५ योजना सार्वजनिक

सेरोफेरो
२९ जेठ, सुर्खेत । स्थानीय तहको निर्वाचन सम्पन्न भएपश्चात् पहिलो पटक बसेको वीरेन्द्रनगर नगर कार्यपालिकाको बैठकले सय दिनभित्र सम्पन्न गर्ने कार्ययोजना बनाएको छ । नवनिर्वाचित मेयर देवकुमार सुवेदीको अध्यक्षतामा बसेको बैठकले ‘साथ तपाईंको नेतृत्व हाम्रो, हामी बनाउँछौं वीरेन्द्रनगरलाई राम्रो’ भन्ने नारा पनि तय गरेको छ ।

बैठकले अधिकार सम्पन्न नगरपालिकाको काममा बाधा उत्पन्न गर्ने भन्दै सुर्खेत उपत्यका नगर विकास समिति लगायत विभिन्न विषयगत कार्यालयहरु खारेज गरी तिनमा रहेको अधिकार र सम्पत्ति नगरपालिका मातहत ल्याउन आवश्यक प्रकृयाको थालनी गर्ने निर्णय गरेको छ । नगरभित्र भइरहेको अव्यवस्थित जग्गा खण्डीकरण रोक्नुका साथै नगरपालिकामा थप गरिएका भुभागमा शहरी विकास गुरुयोजना निर्माण गर्ने निर्णय पनि बैठकले गरेको छ ।

यस्तै नगर कार्यपालिकाको नियमित बैठक हरेक महिनाको पहिलो शुक्रबार दिनको १ बजे बस्ने निर्णय गरिएको उपमेयर मोहनमाया ढकालले सेरोफेरोलाई जानकारी दिइन् ।

१०० दिनभित्र गरिने १५ योजनाहरु

१. नगरका १६ वटै वडामा वडा कार्यालय स्थापना गर्ने ।

२. एक वडा एक वाइफाई फ्रि जोन स्थापना गर्ने ।

३. छोरीको जन्म भएमा एक हजार रुपैया सहित स्थानीय बैंकमा बचत खाता खोलिदिने ।

४. सुरक्षित आमा कार्यक्रम अन्तर्गत गर्भवती महिलालाई एक पटक निशुल्क भिडियो एक्सरे सेवा तथा जोखिमयुक्त आमाको उपचारमा सहयोग गर्ने ।

५. सम्बन्धित वडाअध्यक्षको उपस्थितिमा जेष्ठ नागरिकका पीर मर्का सुन्न मासिक रुपमा बाआमाका कुरा चौतारी कार्यक्रम आयोजना गर्ने ।

६. नगरलाई हराभरा बनाउन सबै घरमा कम्तीमा दुई विरुवा लगाई त्यसको संरक्षण गर्ने ।

७. वडा नम्बर ६ स्थित बजार क्षेत्रमा सडकको दायाँबायाँ विरुवा रोप्ने ।

८. दलित र विपन्न महिलालाई लेखापढि तालिम दिई विभिन्न सरकारी कार्यालय र वडा कार्यालयमा सेवा दिने व्यवस्था मिलाउने ।

९. बालउद्यान निर्माणका लागि गुरुयोजना बनाउने ।

१०. नगर विकासको पाँच बर्षे परिकल्पना सहित त्रिबर्षिय नगर योजना निर्माण गर्ने ।