२७ चैत । निर्माण व्यवसाय विकास परिषद्ले कोरोना भाइरस संक्रमण रोकथाम तथा नियन्त्रणका लागि सातै प्रदेशलाई १३ लाखका दरले रकम उपलब्ध गराउने भएको छ ।
परिषदका अध्यक्ष भौतिक पूर्वाधार तथा यातायातमन्त्री वसन्तकुमार नेम्बाङको अध्यक्षतामा आज बसेको बैठकले प्रदेश स्तरीय कोरोना भाइरस संक्रमण रोकथाम नियन्त्रण तथा उपचार कोषमा उक्त रकम उपलब्ध गराउने निर्णय गरेको हो ।
कोरोना भाइरसको संक्रमणले मुलुकनै संकटमा रहेकाले यसको रोकथामका लागि परिषदको कोषबाट उक्त रकम उपलब्ध गराउन लागिएको भौतिक पूर्वाधार तथा यातायात एवं शहरी विकास मन्त्री नेम्बाङले बताए । उनले भने, ‘औषधी, उपकरण खरिद र उपचारका लागि प्रदेशहरुलाई रकम उपलब्ध गराइएको हो ।’
परिषदले चैत ५ गते नै कोरोना भइरस संक्रमण रोकथाम नियन्त्रण तथा उपचार कोषलाई एक करोड रुपैयाँ उपलब्ध गराइसकेको छ ।
नेपाल निर्माण व्यवसायी महासंघ, निर्माण व्यवसायसंग सम्बन्धित मन्त्रालय तथा निकायहरुको प्रतिनिधित्व रहने परिषदले सामान्यतया निर्माण व्यवसायीहरुको क्षमता अभिवृद्धि, तालिम लगायतका काम गर्छ ।
Online Media Reg. No.: 70/073-74
प्रतिकृया दिनुहोस्