२२ वैशाख । वीरेन्द्रनगर नगरपालिकाले कृषि जन्य वस्तुहरुमा किषानलाई अनुदान दिने घोषणा गरेको छ । वीरेन्द्रनगर नगरकार्यपालिकाको मिति २०७७ बैशाख १९ कार्यबाहक नगर प्रमुख श्री मोहनमाया ढकालको अध्यक्षतामा बसेको बैठक उक्त निर्णय गरेको हो । कोरोना संक्रमण रोक्नको लागी गरिएको बन्दाबन्दीको कारण कृषि क्षेत्रमा परेको प्रभावलाई मध्यनजर गरी विभिन्न कृषिजन्य बस्तुहरुमा अनुदान दिने निर्णय गरेको हो ।
नगरपालिकाले यस आर्थिक वर्षका विभिन्न तालिम गोष्ठी आन्तरिक भ्रमण लगायत चालु खर्च तर्फ विनियोजन गरिएका नगर तथा वडा तहका योजना कटौती गरी किसानहरुलाई विउ विजनमा अनुदान दिने निर्णय गरेको कार्यबाहक प्रमुख मोहनमाया ढकालले जानकारी दिनुभयो ।
साथै बैठकले हालसम्म नगरपालिकाले गरेको कार्यहरुको समिक्षा समेत गरेको छ । खोलानालामा गिट्टी कुट्ने र बालुवा चाल्ने मजदुरहरुलाई भौतिक दूरी कायम गरि कार्य निरन्तरता दिन लगाई निजहरूलाई ज्याला पाउने ब्यवस्था गरी राहत उपलब्ध नगराउने समेत निर्णय गरेको प्रमुख प्रशासकिय अधिकृत टीकाराम ढकालले जानकारी दिनुभयो ।
भौतिक दूरी कायम गरी कृषि कार्य र विकास निर्माणका कार्य गर्न सम्भव नभई खाद्य संकट हुने मजदुर ब्यक्तिहरुको लागि हाल संचालनमा आएको कल सेन्टरबाट राहत वितरण प्रणाली लाई २०७७ बैशाख २३ सम्म निरन्तरता दिने निर्णय गरेको प्रमुख प्रशासकिय अधिकृत ढकालले बताउनु भयो । साथै नगरपालिकाबाट संचालित पूर्व सावधानी गृहमा ३९ जना राखिएको समेत नगरपालिकाले जनाएको छ ।
यस्ता छन् नगरपालिका कार्यपालिकाका निर्णयहरु :
Online Media Reg. No.: 70/073-74
प्रतिकृया दिनुहोस्