९ असार । लक्षण नदेखिएका कोरोना भाइरस संक्रमितलाई पिसिआर परीक्षण नगरी घर नपठाउन सर्वोच्च अदालतले सरकारलाई आदेश दिएको छ ।
अदालतले मंगलबार अन्तरिम आदेश जारी गर्दै लक्षण नदेखिएका कोरोना भाइरस संक्रमितलाई पीसीआर परीक्षण नगरी घर पठाउने सरकारी निर्देशिका कार्यान्वयन नगर्न भनेको छ ।
अधिवक्ता सन्तोष भण्डारीले दायर गरेको रिटमा सुनुवाई गर्दै न्यायाधीशहरु आनन्दमोहन भट्टराई र टंकबहादुर मोक्तानको इजलाशले पूर्ण रुपमा निको भएको सुनिश्चितता गरेर मात्रै बिरामीलाई घर पठाउन आदेश दिएको हो ।
स्वास्थ्य उपचारलाई संविधानले मौलिक हक अन्तर्गत राखेकोले सरकारले आफ्ना नागरिकको पूर्ण रुपमा उपचार गर्ने दायित्वबाट भाग्न नमिल्ने आदेशमा उल्लेख छ ।
जेठ २० गते सरकारले उपचारमा रहेका कोरोना संक्रमितलाई लक्षण नदेखिएका आधारमा डिस्चार्ज गर्ने र उनीहरुको पिसिआर परीक्षण गर्न नपर्ने निर्देशिका जारी गरेको थियो ।
Online Media Reg. No.: 70/073-74
प्रतिकृया दिनुहोस्