सिम्ता गाउँपालिका द्वारा ४५ करोड ६० लाख बराबरको बजेट प्रस्तुत, स्वास्थ्य र आर्थिक विकासलाई प्राथमिकता

१० असार । सिम्ता गाउँपालिकाको गाउँ सभा शुरु भएको छ । गाउँपालिकाका उपाध्यक्ष चन्द्रकला शाहीले आ.व २०७७/७८ को लागी ४५ करोड ६० लाख ६४ हजार ६ सय ४० बराबरको बजेट प्रस्तुत गर्नुभएको छ ।

गाउँसभामा कारोना रोगको संक्रमण रोकथाम, सामाजिक विकास, आर्थिक विकास मुख्य प्राथमिकतामा रहेको गाउँपालिकाका अध्यक्ष कविन्द्र कुमार के.सीले जानकारी दिनुभयो ।

गाउँपालिकाले सहिद ऋषि चक्रपथ र सहिद ईन्द्र वि.सी दु्रत मार्गलाई आगामी वर्ष समेत प्राथमिकतामा राखेको अध्यक्ष के.सीले बताउनु भयो । गाउँसभामा अनुमानित कुल ब्यय तर्फ रु ४७ करोड ५ लाख ८९ हजार ६४० बजेट बिनियोजन गरिएको छ ।

यसमा अपुग स्रोत रु १ करोड ४५ लाख २५ हजार बजेट आन्तरिक आय , अन्य अनुदान र अन्य स्रोतबाट पुर्ति गरिने अध्यक्ष के.सीको भनाई छ । 

यस्ता छन् आगामी आर्थिक वर्षका कार्यक्रमहरु :
 चक्रपथ रु ५० लाख
 द्रुतमार्ग रु ५० लाख
 गाउँपालिका प्रासासकीय भवन रु २ करोड ५० लाख
 समपुरक कोष रु १ करोड
 सिम्ता उज्यालो कार्यक्रम रु ३० लाख
 वडा कार्यालय भवन रु १ करोड
 आर एम जि र सुकुम्बासी रु ३० लाख
 आर्थिक बिकास कार्यक्रम रु १ करोड
 पुर्बधार बिकास कार्यक्रम रु ५० लाख
 संस्थागत बिकास कार्यक्रम रु ३० लाख
 बिपद ब्यबस्थापन (कोभिड-१९) रु २ करोड
 सामाजिक बिकास रु १ करोड ५० लाख
 वडागत अनुदान रु ३ करोड ६० लाख