२६ असार । भारतका गुण्डा नाइके विकास दुवे प्रहरी कारवाहीमा मारिएका छन् । प्रहरीको हतियार खोसेपछि जवाफी कारबाहीमा उनी मारिएको भारतीय प्रहरीको दाबी छ ।
दुवे बिहीबार उज्जैनको महांकाल मन्दिरबाट पक्राउ परेका थिए । प्रहरीले उनलाई शुक्रबार बिहान कानपुर लैजाँदै थियो ।
प्रहरीका अनुसार दुवे सवार गाडी शुक्रबार बिहान साढे ६ बजे सडक किनारमा पल्टियो । त्यसपछि दुवेले प्रहरीको हतियार खोसेर आक्रमणको प्रयास गरेपछि जवाफी कारबाहीमा उनी मारिए ।
दुवेको छाती र कम्मरमा गोली लागेको छ । उनलाई अस्पताल लैजाँदै गर्दा बिहान सात बजेर ५५ मिनेटमा मृत्यु भएको हो ।
केही समयअघि भारतको कानपुरमा दुवेको समूहसँगको मुठभेड हुँदा एक डिएसपीसहित ८ जनाको मृत्यु भएको थियो ।
Online Media Reg. No.: 70/073-74
प्रतिकृया दिनुहोस्