सेरोफेरो
२५ असार, सुर्खेत । स्थानीय तहको दोस्रो चरणमा निर्वाचन भएको एकमात्र महानगर विराटनगरको मेयर पदमा नेपाली काँग्रेसका भीम पराजुली विजयी भएका छन् ।
पराजुलीले नेकपा एमालेका उमेदवार विनोद ढकाललाई पाँच हजार छ सय ८२ मतअन्तरले हराई मेयर निर्वाचित भएका हुन् । उनले २३ हजार तीन मत पाएका थिए ।
यसैगरी उपमेयरमा नेपाली काँग्रेसकी इन्दिरा कार्की विजयी भएकी छन् । उनले २० हजार एक सय ४६ मत पाइकी थिइन् भने निकटतम प्रतिष्पर्धी माओवादी केन्द्रकी उमेदवार नमिता न्यौपानेले ११ हजार पाँच सय २३ मत पाएकी थिइन् ।
विराटनगरको राजनीतिक परिचय नेपाली काँग्रेससंग जोडिएको पाइन्छ । लामो समयसम्म काँग्रेसको नेतृत्व गर्ने कोइराला परिवारको गृहनगर भएकोले विराटनगरलाई नेपाली काँग्रेस हुर्केको ठाउँको रुपमा समेत चिनिन्छ ।
तस्बिर ः अनलाइनखबर
Online Media Reg. No.: 70/073-74
प्रतिकृया दिनुहोस्