२६ असोज । कर्णाली प्रदेशका मुख्यमन्त्री एवं नेकपा प्रदेश सभा दलका नेता महेन्द्रबहादुर शाहीविरुद्ध अविश्वासको प्रस्ताव पेश भएसंगै प्रमुख सचेतक गुलावजंग शाहलाई पदमुक्त गरिएको छ ।
शाहीविरुद्ध अविश्वास रहेको भनी नेकपाका १८ सदस्यले आइतबार संसदीय दलको सचिवालयमा उक्त प्रस्ताव दर्ता गराएका थिए ।
दलका नेता शाहीले आइतबारै प्रमुख सचेतक गुलावजंग शाहलाई पदमुक्त गरी सचेतक सीता कुमारी नेपालीलाई प्रमुख सचेतकमा नियुक्त गरेका छन् ।
मुख्यमन्त्रीका आकाँक्षी यामलाल कंडेलको अगुवाइमा मुख्यमन्त्री शाहीविरुद्ध अविश्वास प्रस्ताव पेश गरिएको थियो । प्रस्तावमा सरकारको काम प्रभावकारी हुन नसकेको उल्लेख छ ।
कंडेलसंगै पूर्वएमालेका १५ र पूर्व माओवादीका ३ जनाले प्रस्तावमा हस्ताक्षर गरेका छन् ।
मुख्यमन्त्री शाहीविरुद्ध अविश्वास प्रस्ताव पेश भएसंगै नेकपा केन्द्रमा समेत हलचल मच्चिएको छ ।
नेकपाका अध्यक्ष प्रचण्डले प्रधानमन्त्री समेत रहेका अर्का अध्यक्ष केपी शर्मा ओलीलाई सोमबार भेटेर कर्णालीको समस्या समाधान गर्न आग्रह गरेका छन् ।
कर्णालीका सांसद कंडेल ओली निकट मानिन्छन् । उनलाई पूर्व माओवादीका ३ जना सांसदले समेत साथ दिएका छन् । ४० सदस्य रहेको प्रदेश सभामा नेकपाका ३३ सांसद छन् ।
Online Media Reg. No.: 70/073-74
प्रतिकृया दिनुहोस्