एमालेको चुनावी घोषणा पत्र जारीः केबल कारदेखि सुरुङ रेलमार्ग सम्म

१८ बैशाख/काठमाडौ–नेकपा एमालेको चुनावी घोषणा पत्र जारी गरिएको छ । स्थानिय तहको निर्वाचनलाइ लक्षित गरि पार्टि कार्यालय धुम्वाराहीमा आज अध्यक्ष के.पी शर्मा वलीले ५२ पृष्ठ लामो घोषणा पत्र जारि गरेका हुन् । जारी घोषणपत्रमा सार्वभौम नेपाली जनताले निर्माण गरेको नेपालको संविधान कार्यान्वयनको महत्वपूर्ण चरण र नयाँ युगको थालनीको रुपमा स्थानीय तहको निर्वाचन रहेको र यसले संघीयता, समृद्धि र समाजवादको आधारशीला निर्माणमा योगदान गर्ने कुरालाइ महत्वका साथ समावेश गरिएको छ । उक्त चुनावी घोषणा पत्रमा अर्थतन्त्रमा तीव्र वृद्धि :विद्युत उर्जाबाट आर्थिक समृद्धि, सामाजिक–आर्थिक रुपान्तरणको आधार : राष्ट्रव्यापी यातायात पूर्वाधार जस्ता नारा तथा योजनाहरु अगाडि सारिएको छ ।
घोषणापत्रमा मुलुकको सार्वभौमसत्ता, भौगोलिक अखण्डता, राष्ट्रिय सुरक्षा, बाह्य सम्बन्ध, ठूला पूर्वाधार र परियोजनाहरू, शिक्षा, स्वास्थ्य, खानेपानी, वातावरण लगायत सामाजिक क्षेत्र र आर्थिक विकासलाई गति दिन राज्यले नेतृत्व गर्ने र यी क्षेत्रमा व्यापक लगानी गरिने कुरा समावेश छ । आगामी १० वर्षमा आर्थिक रुपान्तरण हुने र सम्पूर्ण नेपाली जनताको उर्जा आर्थिक विकासमा केन्द्रित गर्ने गरी देशको सम्पूर्ण क्षमता परिचालन गरिने र पटक–पटकको नाकाबन्दी, हस्तक्षेप र अपमानबाट पाठ सिक्दै सबल र आत्मनिर्भर राष्ट्रिय अर्थतन्त्रको विकासमा सम्पूर्ण शक्ति केन्द्रित गरिने भनिएको छ ।