बालविवाह न्यूनिकरण गर्ने उद्देश्यका साथ शुरु गरिएको ‘छोरीका लागि स्वर्णीम नेपाल’ महाअभियानले आज सुर्खेतको पञ्चपुरी नगरपालिकामा सचेतनामूलक कार्यक्रम गरेको छ ।
पञ्चपुरी नगरपालिकाको आयोजना एवम् पञ्चपुरी वडा नं. २ को संयोजनमा कार्यक्रम गरिएको हो । अन्तराष्ट्रिय प्रशिक्षक नरबहादुर कार्की र नायिका रेखा थापा यो अभियानका साथ सुर्खेतका विभिन्न क्षेत्रहरुमा जाने कार्यक्रम रहेको जनाइएको छ ।
स्वच्छ तथा समृद्ध समाज निर्माणका लागि बालविवाह अन्त्य हुनुपर्नेमा जोड दिँदै महाअभियान अन्तर्गत विभिन्न जिल्लाहरुमा कार्यक्रम भैरहेका छन् । सचेतनामूलक कार्यक्रममा बालबिवाह न्यूनिकरणसंगै अन्य सामाजिक कुरितीहरुका बिषयमा समेत प्रशिक्षण दिने गरिन्छ ।
पञ्चपुरी २ साल्कोटमा प्रशिक्षक नरबहादुर कार्की र नायिका रेखा थापाले प्रशिक्षण बालविवाह विरुद्ध प्रशिक्षण दिएका छन् ।
कार्यक्रममा चौकुने गाउँपालिकाका अध्यक्ष धिरबहादुर शाही, पञ्चपुरी नगरपालीकाका प्रमुख उपेन्द्र बहादुर थापा लगायतको उपस्थिती रहेको थियो ।
Online Media Reg. No.: 70/073-74
प्रतिकृया दिनुहोस्